બિહારના પટણા રેલવે સ્ટેશનની ડિસ્પ્લે સ્ક્રીન પર પોર્ન વીડિયો ચલાવવાનો મામલો સામે આવ્યો છે. મળતી માહિતી મુજબ આ ઘટના રવિવારે સવારે 9.30 વાગ્યા પછી બની હતી. જ્યારે અચાનક પટના જંક્શન પર ટીવી સ્ક્રીન પર જાહેરખબરને બદલે અશ્લીલ વીડિયો ચાલવા લાગ્યો, આ ઘટના બાદ હોબાળો મચી ગયો છે.

3 મિનિટ ચાલી પોર્ન ક્લિપ

આ ઘટના પટના જંકશનના પ્લેટફોર્મ નંબર 10 પર બની હતી. મીડિયા રિપોર્ટ મુજબ, અશ્લીલ ક્લિપ લગભગ 3 મિનિટ સુધી ચાલી હતી. જે બાદ પ્લેટફોર્મ પર હાજર મુસાફરોએ હોબાળો કર્યો અને અધિકારીઓને ફરિયાદ કરી હતી. આ દરમિયાન કેટલાક મુસાફરોએ આ ઘટનાને પોતાના કેમેરામાં કેદ કરી લીધી હતી. પટના જંક્શન પરની આ વિચિત્ર ઘટનાનો વીડિયો પણ સોશિયલ મીડિયા પર વાયરલ થયો હતો.

જાહેરાત કંપની સામે FIR 

આ ઘટના બાદ પૂર્વ મધ્ય રેલવેએ કાર્યવાહી હાથ ધરી છે. સંબંધિત જાહેરાત એજન્સી દત્તા સ્ટુડિયો કંપની પ્રાઈવેટ લિમિટેડ વિરુદ્ધ 2 FIR નોંધવામાં આવી છે. ઈસ્ટ સેન્ટ્રલ રેલ્વે દ્વારા જારી કરવામાં આવેલી પ્રેસ નોટમાં કહેવામાં આવ્યું છે કે એક FIR આરપીએફ દ્વારા અને બીજી FIR GRP દ્વારા આઈટી એક્ટ હેઠળ દાખલ કરવામાં આવી છે. 

પોર્ન સ્ટારે કર્યું ટ્વીટ

હવે આ મામલે એક પોર્ન સ્ટાર કેન્ડ્રા લસ્ટએ પણ ટ્વિટ કરી છે. મંગળવારે, કેન્ડ્રા લસ્ટએ તેના ટ્વિટર એકાઉન્ટ પર પોતાનો એક ફોટો શેર કર્યો અને તેની સાથે ઈન્ડિયા લખ્યું. આ ઉપરાંત ટ્વિટમાં બિહાર રેલવે સ્ટેશન હેશટેગ પણ લગાવ્યું હતું. કેન્ડ્રા લસ્ટનું આ ટ્વીટ ખૂબ વાયરલ થયું છે. કેન્ડ્રા લસ્ટનું આ ટ્વીટ સામે આવ્યા બાદ આ સમગ્ર મામલે લોકો વિવિધ કોમેન્ટ કરી રહ્યા છે.