કોંગ્રેસ સાંસદ રાહુલ ગાંધી 2024ની લોકસભા ચૂંટણી અમેઠીથી લડશે. આ જાહેરાત ઉત્તર પ્રદેશ કોંગ્રેસના નવા અધ્યક્ષ અજય રાયે કરી છે. બીજી તરફ પ્રિયંકા ગાંધી 2024ની ચૂંટણી લડશે તેવી અટકળો પર અજય રાયે કહ્યું કે પ્રિયંકા ગાંધી જ્યાંથી ઇચ્છે ત્યાંથી ચૂંટણી લડશે, જો તે વારાણસીથી PM મોદી સામે ચૂંટણી લડવા માંગે છે તો દરેક કાર્યકર્તા તેમની જીત સુનિશ્ચિત કરશે.  

#WATCH राहुल गांधी अमेठी से चुनाव लड़ेंगे। प्रियंका जी चाहें तो वाराणसी से चुनाव लड़ सकती हैं, हमारा एक एक कार्यकर्ता उनके लिए जान लगा देगा: उत्तर प्रदेश कांग्रेस अध्यक्ष अजय राय pic.twitter.com/yjHH4XrCxs

— ANI_HindiNews (@AHindinews) August 18, 2023

સ્મૃતિ ઈરાની પર નિશાન સાધ્યું

કેન્દ્રીય મંત્રી સ્મૃતિ ઈરાની પર અજય રાયે કહ્યું, "તેમને પૂછો કે શું તે તેના વચન મુજબ 13 રૂપિયા પ્રતિ કિલોના ભાવે ખાંડ આપી શકે છે. તેણે જનતાને જવાબ આપવો જોઈએ કે તે ખાંડ ક્યાં ગઈ." ઉલ્લેખનીય છે કે વર્ષ 2019માં રાહુલ ગાંધીએ અમેઠી અને વાયનાડ બંને બેઠક પરથી લોકસભાની ચૂંટણી લડી હતી. અમેઠી લોકસભાની સીટના ભાજપના ઉમેદવાર સ્મૃતિ ઈરાનીએ એક સમયે કોંગ્રેસના ગઢ ગણાતા અમેઠીમાં રાહુલ ગાંધીને લગભગ 55,000 મતોના માર્જિનથી હરાવ્યા હતા. જો કે રાહુલ ગાંધી વાયનાડથી લોકસભામાં ચૂંટાયા હતા. અમેઠીમાં રાહુલ ગાંધીને હરાવ્યા બાદ સ્મૃતિ ઈરાની એક પ્રભાવદાર નેતા તરીકે ઉભરી આવ્યા હતા.