Rajya Sabha Elections: જયા બચ્ચન, સોનિયા ગાંધી, અશોક ચવ્હાણ, પ્રફુલ પટેલ... કોણ કેટલા અમીર?


  • Published By :
  • Published Date : 2024-02-16 22:32:18

રાજ્યસભાની બેઠક માટે ચૂંટણી લડવા માંગતા નેતાઓએ ઉમેદવારી પત્ર ભરવાનું હોય છે. આ દસ્તાવેજોમાં ઉમેદવારનું નામ, સરનામું, રાજકીય પક્ષ અને અન્ય મહત્વપૂર્ણ માહિતીનો સમાવેશ થાય છે. આ સિવાય આ દસ્તાવેજો ઉમેદવારોની મોટી સંપત્તિનો ખુલાસો કરે છે, જેના વિશે સાંભળીને સામાન્ય લોકો ચોંકી જાય છે. આવો જાણીએ તાજેતરમાં રાજ્યસભા માટે નોમિનેશન ભરનાર સેલિબ્રિટીઓની સંપત્તિ વિશે.


સોનિયા ગાંધીની કુલ સંપત્તિ રૂ. 12.53 કરોડ  


રાજ્યસભાની ચૂંટણીની એફિડેવિટ અનુસાર, સોનિયા ગાંધી પાસે 90,000 રૂપિયા રોકડ છે અને તેમની કુલ સંપત્તિ 12.53 કરોડ રૂપિયા છે. 5 વર્ષમાં તેમની કુલ સંપત્તિમાં 73 લાખ રૂપિયાનો વધારો થયો છે. સોનિયા પાસે 88 કિલો ચાંદી, 1267 ગ્રામ સોનું છે. તેમની પાસે કોઈ કાર નથી. દિલ્હીના ડેરામંડી ગામમાં ત્રણ વીઘા જમીન પણ છે, જેની કિંમત 5 કરોડ રૂપિયાથી વધુ હોવાનું કહેવાય છે. ઇટાલીમાં તેમના પિતાની પૈતૃક સંપત્તિમાં પણ તેમનો હિસ્સો છે જે લ્યુઇસિયાનામાં છે. જેની કિંમત 26 લાખ 83 હજાર 594 રૂપિયા છે.

Samajwadi Party Names Rajya Sabha Candidates, Jaya Bachchan Renominated

જયા બચ્ચન પાસે કેટલી મિલકત?


જયા બચ્ચને રાજ્યસભામાં તેમની પાંચમી ટર્મ માટે નોમિનેશન ભર્યું છે. ચૂંટણી એફિડેવિટ મુજબ, તેમની અને તેમના પતિ, પ્રખ્યાત અભિનેતા અમિતાભ બચ્ચન કુલ મળીને 1,578 કરોડ રૂપિયાની સંપત્તિ ધરાવે છે. આ રકમમાં બંનેની બચત, સંપત્તિ અને અન્ય વસ્તુઓનો પણ સમાવેશ થાય છે.


મિલિંદ દેવરા પાસે 134 કરોડ રૂપિયા


કોંગ્રેસ પાર્ટીના પૂર્વ નેતા મિલિંદ દેવરાને શિવસેના (શિંદે જૂથ) દ્વારા રાજ્યસભાની ચૂંટણી માટે ઉમેદવાર બનાવવામાં આવ્યા છે. ચૂંટણી એફિડેવિટ મુજબ તેમની સંપત્તિનું મૂલ્ય 134 કરોડ રૂપિયા આંકવામાં આવ્યું છે.


અશોક ચવ્હાણ પાસે 68 કરોડની સંપત્તિ  


કોંગ્રેસના પૂર્વ નેતા અશોક ચવ્હાણે તાજેતરમાં જ ભારતીય જનતા પાર્ટીમાં જોડાવાનો મોટો નિર્ણય લીધો છે. તેમની પાસે રૂ. 68 કરોડની સંપત્તિ છે, જેમાં સ્થાવર અને જંગમ મિલકતોનો સમાવેશ થાય છે.


 450 કરોડના માલિક છે પ્રફુલ્લ પટેલ


રાષ્ટ્રવાદી કોંગ્રેસ પાર્ટી (NCP)ના નેતા પ્રફુલ્લ પટેલનું મહારાષ્ટ્રના રાજકારણમાં વિશેષ મહત્વ છે. તેમની જંગમ અને સ્થાવર એમ જાહેર કરેલી સંપત્તિ 450 કરોડ રૂપિયા છે.



લોકસભા ચૂંટણી માટે ઉમેદવારી ફોર્મ ભરવામાં આવી ગયું છે. આજે ફોર્મની ચકાસણી કરાઈ. આ બધા વચ્ચે ગેનીબેન ઠાકોર પર પાલનપુરના પૂર્વ ધારાસભ્યએ ગંભીર આરોપો લગાવ્યા છે. ગેનીબેન ઠાકોર દ્વારા પણ પ્રતિક્રિયા આપવામાં આવી છે.

ગુજરાત માટે ભાજપ પાંચ લાખની લીડ સાથે દરેક બેઠક પર જીત હાંસલ કરશે તેવો લક્ષ્ય રાખ્યો છે. આ લક્ષ્યને પાર કરવા માટે ભાજપનું સંગઠન કામ કરશે. પેજ પ્રમુખ તેમજ સમિતીને આને લઈ જવાબદારી સોંપવામાં આવી છે.

અનેક ઉદાહરણો આપણે જોયા હશે જેમાં માણસો આપણી સામે કંઈ અલગ હોય છે અને બીજાની સામે કંઈ અલગ હોય છે.. પારકી પંચાતમાં અનેક લોકો પોતાની જીંદગીને વેડફી નાખે છે.. ત્યારે સાહિત્યના સમીપમાં પ્રસ્તુત છે બેફામસાહેબની રચના

એક વીડિયો સામે આવ્યો છે જેમાં મનસુખ વસાવાના કાર્યક્રમમાં એક યુવાન સ્ટેજ પર ચઢી જાય છે અને સાંસદને સવાલો કરે છે.. કામ અંગે તેમને સવાલ કરે છે. મનસુખ વસાવાએ પ્રશ્નોના જવાબ તો ના આપ્યા પરંતુ તેમણે આમ આદમી પાર્ટી પર પ્રહાર કર્યા.