RBIએ રેપો રેટ ન વધારી લોકોને આપી મોટી રાહત, જાણો શું કહ્યું રિઝર્વ બેંકના ગવર્નરે

Published By :
Published Date : 2023-04-06 16:31:17

રિઝર્વ બેંકના ગવર્નર શક્તિકાંત દાસે ગુરુવારે (6 એપ્રિલ) નાણાકિય વર્ષ 2024 માટેની પ્રથમ નાણાકીય નીતિની જાહેરાત કરી છે. RBI ગવર્નરે રેપો રેટ અંગેના તેમના નિર્ણય અને ફુગાવાના દર અને વૃદ્ધિ દર અંગેના તેમના અનુમાનોથી બજારને આશ્ચર્યચકિત કર્યું છે. અગાઉ એવું અનુમાન લગાવવામાં આવ્યું હતું કે MPCની બેઠક બાદ કેન્દ્રીય બેંક રેપો રેટમાં 25 bpsનો વધારો કરી શકે છે. પરંતુ સતત છ વખત રેપો રેટ વધાર્યા બાદ આ વખતે તેને યથાવત રાખવામાં આવ્યો છે. સેન્ટ્રલ બેંકના આ નિર્ણયથી હોમ લોન અને વાહન લોન ચૂકવનારા ગ્રાહકોને રાહત મળશે, કારણ કે તેમની EMI હાલના સમયમાં વધશે નહીં.

RBI decides to keep repo rate unchanged at 6.5 PC

Read @ANI Story | https://t.co/Gln9UddTkk #RBI #MPC #RepoRate #Unchanged #Governor #ShaktikantaDas pic.twitter.com/ieY9avraw1
— ANI Digital (@ani_digital) April 6, 2023
RBI ગવર્નરના નિવેદનની આ છે 10 મોટી વાતો?

(1)રેપો રેટમાં કોઈ ફેરફાર નહીંઃ RBI ગવર્નરના જણાવ્યા અનુસાર, આ વખતે MPCની બેઠકમાં રેપો રેટમાં કોઈ ફેરફાર કરવામાં આવ્યો નથી. રેપો રેટમાં છ વખત વધારો કર્યા બાદ આ વખતે તેને 6.5 ટકા પર યથાવત રાખવામાં આવ્યો છે.

(2)ફુગાવો ઘટવાની અપેક્ષા: RBI ગવર્નરે કહ્યું કે કોર ફુગાવો હજુ પણ એલિવેટેડ સ્તરે છે. જોકે, FY24માં ફુગાવો ઘટી શકે છે. FY24 માટે CPI ફુગાવાનો અનુમાન 5.3% થી ઘટાડીને 5.2% કરવામાં આવ્યો છે.

(3)જીડીપી 6.5% રહેવાનો અંદાજ: RBI ગવર્નરે FY24માં 6.5% વૃદ્ધિ દરનો અંદાજ મૂક્યો છે. તેમણે ઉમેર્યું હતું કે Q4માં ખાનગી વપરાશમાં ઘટાડો થયો છે. જો કે, સારા રવિ પાક સાથે ગ્રામીણ વિસ્તારોમાં માંગમાં સુધારો થવાની ધારણા છે.

(4)MPCના તમામ પક્ષો વ્યાજ દર સ્થિર રાખવાની તરફેણમાં: આરબીઆઈ ગવર્નરે જણાવ્યું હતું કે મધ્યસ્થ બેંકની નાણાકીય નીતિ સમિતિના 6માંથી 5 સભ્યો અનુકૂળ વલણ પાછું ખેંચવાની તરફેણમાં હતા, જ્યારે તમામ સભ્યોએ વ્યાજ દર સ્થિર રાખવાના નિર્ણયને ટેકો આપ્યો હતો. રેપો રેટ યથાવત.

(5)ચાલુ ખાતાની ખાધ નિયંત્રણમાં રહેવાની ધારણા: આરબીઆઈ ગવર્નરે જણાવ્યું હતું કે ચાલુ નાણાકીય વર્ષ દરમિયાન ચાલુ ખાતાની ખાધ (કરન્ટ એકાઉન્ટ ડેફિસિટ) નિયંત્રણમાં રહેવાની ધારણા છે. તેમણે જણાવ્યું હતું કે નાણાકીય વર્ષ 23 ના એપ્રિલ-ડિસેમ્બરમાં ચાલુ ખાતાની ખાધ જીડીપીના 2.7 ટકા હતી.

(6)રૂપિયાની સ્થિરતા પર RBIની નજર: આરબીઆઈ ગવર્નરે કહ્યું કે લિક્વિડિટી મેનેજમેન્ટ પર સેન્ટ્રલ બેંકની નજર રહે છે. આરબીઆઈ રૂપિયાની સ્થિરતા જાળવી રાખવા માટે સતત પ્રયાસ કરી રહી છે. ઉપરાંત, આરબીઆઈ ગવર્નરે કંપનીઓને મૂડી બફર બનાવવાની સલાહ આપી છે.

(7)UPIને પ્રોત્સાહન: UPI પર બોલતા, RBI ગવર્નરે કહ્યું કે UPI દ્વારા પહેલાથી જ મંજૂર કરાયેલી ક્રેડિટ લાઇનને લંબાવવામાં આવશે.

(8)હોમ લોનની EMI વધશે નહીં: RBI દ્વારા રેપો રેટને યથાવત રાખવાથી એક વાત તો સ્પષ્ટ થઈ ગઈ છે કે તમારી હોમ લોન EMI થોડા મહિનાઓ સુધી યથાવત રહી શકે છે.

(9)ફુગાવા સામે લડાઈ યથાવત: આરબીઆઈ ગવર્નરે કહ્યું કે ડિસેમ્બર 2022 થી છૂટક ફુગાવો વધી રહ્યો છે, પરંતુ મધ્યસ્થ બેંક તેને નિયંત્રણમાં રાખવા માટે લડત ચાલુ રાખી છે.

(10) કૌટિલ્ય અને ગાંધીને યાદ કર્યાઃ RBI ગવર્નરે તેમના નિવેદન દરમિયાન કૌટિલ્ય અને મહાત્મા ગાંધીને પણ યાદ કર્યા હતા.

અમરેલી જિલ્લામાં કોંગ્રેસ દ્વારા આજે ખેતી બચાવો સત્યાગ્રહ અંતર્ગત લીલીયા ખાતે પ્રતીક ધરણાનો કાર્યક્રમ યોજાયો છે. આ કાર્યક્રમમાં કમોસમી વરસાદના કારણે ખેડૂતોને જે પાક નુકશાની થઇ છે તેને લઇને અમરેલી જિલ્લા કોંગ્રેસ પ્રમુખ પ્રતાપ દુધાત અને પૂર્વ વિપક્ષના નેતા પરેશ ધાનાણીના નેતૃત્વમાં એક સંમેલન યોજાયું છે. આ ઉપરાંત ખેડૂતોના દેવામાફીના મુદ્દે , લીલીયા મામલતદારને આવેદન પત્ર પણ આપવામાં આવ્યું છે. આ પ્રસંગે , ખેડૂતો પણ મોટી સંખ્યામાં ઉમટી પડ્યા હતા.

2025-11-06 16:10:50

ગીર સોમનાથ જિલ્લાના ઉનામાં પાક નિષ્ફળ જતા ખેડૂતે આપઘાત કર્યો છે. ૪૯ વર્ષીય ખેડૂતે પોતાની વાડીના કુવામાં ઝંપલાવી જીવન ટૂંકાવ્યું છે. જેનાથી સમગ્ર પંથકમાં ચકચાર મચી જવા પામી છે. ખેડૂત જેમનું નામ છે ગફાર મુસા ઉનડેએ પોતાનો જીવ એટલે ટૂંકાવ્યો છે કેમ કે , કમોસમી વરસાદના કારણે જે માવઠું આવ્યું તેના કારણે તેમનો પાક નિષ્ફળ જતો રહ્યો હતો જેના કારણે તેઓ ડિપ્રેશનમાં હતા.

2025-11-04 21:10:24

ગુજરાતમાં મંત્રીમંડળના વિસ્તરણ પછી , નવા મંત્રીઓએ પદભાર સંભાળીને કામ શરુ કરી દીધું છે. ત્યારે હવે બે મંત્રીઓને પ્રવક્તા મંત્રી બનાવવામાં આવ્યા છે. નાયબ મુખ્યમંત્રી હર્ષ સંઘવીને પ્રવક્તા મંત્રી તરીકેની જવાબદારી આપવામાં આવી છે. સાથે જ જીતુ વાઘાણીને પણ પ્રવક્તા મંત્રી બનાવવામાં આવ્યા છે. આ અગાઉ ઋષિકેશ પટેલ પ્રવક્તા મંત્રી હતા.

2025-10-29 14:24:52

જૂનાગઢમાં ટીકર ગામે ઓઝત નદીમાં ડૂબી રહેલા યુવાનોને બચાવવા જતા ભારતીય સેનામાં ફરજ બજાવતા જવાન ભરતભાઈ ભેટારીયાએ પોતાનો જીવ ગુમાવ્યો છે. જેનાથી સમગ્ર જૂનાગઢમાં શોકની લાગણી ફરી વળી છે. ભરતભાઈ લદ્દાખના લેહ ખાતે ફરજ બજાવતા હતા. તેઓ દિવાળીની રજાઓ ઉપર વતન આવ્યા હતા. ભરતભાઈએ ઓઝત નદીમાં જે યુવાનો ડૂબી રહ્યા હતા તે ત્રણ યુવાનોને પોતાના જીવની કુરબાની આપીને બચાવ્યા હતા. તેમની અંતિમ યાત્રામાં આખું ગામ હીબકે ચઢ્યું હતું.

2025-10-24 20:30:36

Jamawat Media ગુજરાતનું પહેલું ડિજીટલ માધ્યમ જે તમારી ભાષામાં તમને જરૂરી સમાચાર આપે છે, માત્ર સમાચાર નહીં પણ ગુજરાતને જરૂરી વિચાર અને અભિપ્રાયો પણ હોય છે, ક્યારેક સત્તા સુઈ જાય તો એને ઢંઢોળે છે, ક્યારેક વિપક્ષની આળસને પડકારે છે, તમારા પ્રશ્નો ના સંભળાય ત્યાં પોતે વિપક્ષ બની જાય છે, અને જનતા રાજનીતિક ચશ્મા પહેરીને દંભી બનતી જાય તો તમારી અંદરના નાગરીકને પણ ઢંઢોળે છે, જમાવટ તમને મોજ આપશે, સંતોષ આપશે, મજા કરાવશે પણ તમારી અંદર દેશ માટેના કર્તવ્ય અને નાગરીકના અધિકારોની ચેતના જીવંત રાખશે

© 2023 Jamawat.

Website Design & Developed By Seawind Solution Pvt. Ltd - web design Ahmedabad | web development Ahmedab