ખાનગી શાળાઓમાં બાળકોના એડમિશન કરવા ઉત્સુક વાલીઓ માટે મહત્વના સમાચાર આવ્યા છે. સરકારે રાઇટ ટુ એજ્યુકેશન (RTE) હેઠળ પ્રવેશ માટે ડોક્યુમેન્ટ અપલોડ કરવા વધુ એક તક આપી છે. જે મુજબ હવે 27 એપ્રિલ સુધી ડોક્યુમેન્ટ ઓનલાઈન અપલોડ કરી શકાશે. અત્રે ઉલ્લેખનિય છે RTE અંતર્ગત ઓનલાઈન ડોક્યુમેન્ટ અપલોડ કરવાની મુદ્દત પૂર્ણ થઈ ગઈ છે, પરંતું વાલીઓની રજુઆતના કારણે સરકારે ડોક્યુમેન્ટ અપલોડ કરવા માટે વધુ એક તક આપી છે.

RTE માટે વધુ એક તક 

રાઇટ ટુ એજ્યુકેશન (RTE) હેઠળ પ્રવેશ માટે સમગ્ર રાજ્યમાંથી કુલ 98 હજાર 501 અરજીઓ શિક્ષણવિભાગને મળી છે જેમાંથી કુલ 65,025 અરજીઓ માન્ય રખાઈ છે. જો કે RTE  14,483 અરજીઓને રિજેક્ટ કરવામાં આવી છે. ડોક્યુમેન્ટમાં ક્ષતિને કારણે રિજેક્ટ થયેલી અરજીઓને 27 એપ્રિલ સુધીની વધુ એક તક આપવામાં આવી છે. 

રાજ્યમાં RTEની 83 હજાર બેઠકો 

અત્રે ઉલ્લેખનીય છે કે,  27 એપ્રિલ સુધી જરૂરી ડોક્યુમેન્ટ અપલોડ કરી શકાશે અને રિજેક્ટ અરજીઓમાં 3 દિવસમાં ફરી ડોક્યુમેન્ટ આપી શકાશે અને 18,993 અરજીઓ કેન્સલ કરવામાં આવી છે. રાજ્યમાં RTE અતર્ગત 83 હજાર બેઠકો છે જેમાં અમદાવાદમાં 11,500 બેઠકો સામે કુલ 17,532 અરજીઓ મળી છે. જ્યારે અમદાવાદમાં RTE અતર્ગત 12,356 અરજીઓ મંજુર કરવામાં આવી છે. અમદાવાદમાં 2,632 અરજીઓ રિજેક્ટ, 2,544 અરજીઓ કેન્સલ થઈ અને આગામી ત્રણ દિવસ રિજેક્ટ અરજીઓના ડોક્યુમેન્ટ અપલોડ કરી શકાશે.

અમદાવાદમાં શા માટે અરજીઓ ઘટી?

RTE હેઠળ અરજી ઘટવાના મુખ્ય કારણો અમદાવાદ જિલ્લા શિક્ષણ અધિકારી રોહિત ચૌધરીએ જણાવ્યું હતું કે,અરજી ઘટવાના મુખ્ય કારણો જોવા જઈએ તો પહેલી જૂન 2023ના રોજ 6 વર્ષ પૂર્ણ થવા જોઈએ જે બાદ જ તે પ્રવેશ મેળવવા માટે યોગ્ય ગણાશે તેમજ રજિસ્ટર્ડ ભાડા કરાર, આવક મર્યાદા માટે આવકનો દાખલો સહિતના મહત્વના ડોક્યુમેન્ટ ન હોવા સહિતના વિવિધ કારણે અરજી ગત વર્ષની સરખામણીએ ઓછી મળી હોયો તેવું બની શકે. આ વખતે અમદાવાદમાં RTE હેઠળ 17532 અરજીઓ મળી છે જે પૈકી 12356 મંજુર કરવામાં આવી છે. તેમાંથી 2632 જેટલી અરજીઓ રિજેક્ટ કરવામાં આવી છે. તેમજ 2544 જેટલી અરજીઓ કેન્સલ પણ થયેલી છે.