ઉત્તરકાશીમાં સિલ્ક્યારા ટનલમાં ફસાયેલા 41 કામદારોને બચાવવા માટે બચાવ કામગીરી યુદ્ધના ધોરણે ચાલી રહી છે. એજન્સીઓ 41 લોકોને બચાવવામાં સફળતાની નજીક પહોંચી છે. એજન્સીઓએ કહ્યું છે કે આજ રાત સુધીમાં સુરંગમાંથી મોટા સમાચાર આવી શકે છે. NDRFની 21 સભ્યોની ટીમ ઓક્સિજન સિલિન્ડર સાથે ટનલમાં ગઈ છે. તેમની પાસે સ્ટ્રેચર પણ લઈ ગઈ છે. મુખ્યમંત્રી પુષ્કર સિંહ ધામી ઉત્તરકાશી પહોંચી ગયા છે. ટનલની બહાર એમ્બ્યુલન્સ હાજર છે. ચિન્યાલી સૌઢ હોસ્પિટલમાં તબીબોની અવરજવર ચાલુ થઈ ગઈ છે.

#WATCH उत्तरकाशी सुरंग बचाव पर PMO के पूर्व सलाहकार भास्कर खुल्बे ने कहा, "... मुझे यह घोषणा करते हुए खुशी हो रही है कि 6 मीटर की अगली लंबाई सफलतापूर्वक हासिल कर ली गई है और उम्मीद है कि अगले 2 घंटे अगले प्रयास के लिए संयोजन और उसे हासिल करने के लिहाज से अच्छे होंगे..." pic.twitter.com/m2VssfQ3TV

— ANI_HindiNews (@AHindinews) November 22, 2023

NDRFનું રેસ્ક્યુ ઓપરેશન શરૂ

NDRFની 21 સભ્યોની ટીમ ટનલમાં પ્રવેશી ચુકી છે. તેની પાસે ઓક્સિજન સિલિન્ડર પણ છે. ટનલની બહાર એમ્બ્યુલન્સ ઊભી રાખવામાં આવી છે. એવું માનવામાં આવે છે કે બચાવ કાર્ય અંતિમ તબક્કામાં છે. NDRFની ટીમે કામદારોને સુરંગમાંથી બહાર કાઢવા માટે ખાસ પૈડાવાળા સ્ટ્રેચર લીધા છે. એવું કહેવામાં આવી રહ્યું છે કે કામદારો તેમની નબળી શારીરિક સ્થિતિને કારણે 60 મીટર સુધી ચાલી શકશે નહીં. તેથી આ પગલું ભરવામાં આવ્યું છે. ટીમ સુરંગમાં ખાસ ઓક્સિજન પેક માસ્ક પણ લઈ ગઈ છે. NDRFએ રેસ્ક્યુ બ્રીફિંગ પણ શરૂ કરી દીધું છે. NDRFના જવાનો જ સુરંગમાં ફસાયેલા 41 મજૂરોને બહાર કાઢશે.

40 એમ્બ્યુલન્સ સ્ટેન્ડ બાય રખાઈ

સિલ્ક્યારા ટનલની બહાર પ્રાથમિક સારવાર માટેની તૈયારીઓ પણ તેજ કરી દીધી છે. ટનલની બહાર આવેલી હંગામી હોસ્પિટલમાં આઠ બેડની વ્યવસ્થા કરવામાં આવી છે. દુર્ઘટના સ્થળથી લગભગ ચાર કિલોમીટર દૂર હેલિપેડ બનાવવામાં આવ્યું છે. જ્યાંથી, જો જરૂરી પડશે તો, કામદારોને એઇમ્સમાં એરલિફ્ટ કરવામાં આવશે. ઉત્તરકાશી જિલ્લા હોસ્પિટલમાં 45 પથારીઓ પણ અલગથી આરક્ષિત કરવામાં આવી છે. ટનલ સાઇટ પાસે એમ્બ્યુલન્સ પણ તૈનાત કરવામાં આવી છે. બચાવ દળોએ 40 એમ્બ્યુલન્સ બોલાવી છે. ઈમરજન્સી સેવા 108ને એલર્ટ પર રાખવામાં આવી છે. આ સાથે ટનલની બહાર એમ્બ્યુલન્સને સ્ટેન્ડબાય પર રાખવામાં આવી છે. તબીબોને દુર્ઘટના સ્થળે બોલાવવામાં આવ્યા છે.