બાંગ્લાદેશમાં ઓવરલોડિંગને કારણે બોટ અકસ્માતો વધુ સામાન્ય બની ગયા છે. બાંગ્લાદેશ બે મુખ્ય નદીઓ, ગંગા અને બ્રહ્મપુત્રાના નીચલા માર્ગ પર સ્થિત છે. આ દેશ કુલ 230 નદીઓથી ઘેરાયેલો છે.

બાંગ્લાદેશના પંચગઢમાં રવિવારે બોટ પલટી જવાથી અત્યાર સુધીમાં 60 લોકોના મોત થયા છે. રવિવારે મૃત્યુઆંક 26 હતો, જે હવે વધી ગયો છે. ડેપ્યુટી કમિશનરને ટાંકીને કહ્યું કે મૃત્યુઆંકની પુષ્ટિ કરી છે. મૃતકોમાં 25 મહિલાઓ અને 13 બાળકોનો સમાવેશ થાય છે. આ તમામ લોકો બોટમાં બેસીને બોડેશ્વરી મંદિરે ઉત્સવ ઉજવવા જઈ રહ્યા હતા.રવિવારે બપોરે મારિયા યુનિયનના ઓલિયા ઘાટ પરથી બોટ પલટી જવાની માહિતી મળી હતી. 

એવું કહેવામાં આવ્યું હતું કે બોટ પલટી ગયા પછી, ડાઇવર્સની એક ટીમ બચાવ અને મૃતદેહોની શોધ માટે નદીની શોધમાં રોકાયેલી હતી. આ બચાવ કામગીરી જોવા માટે નદી કિનારે હજારો લોકો એકઠા થયા હતા.

બાંગ્લાદેશમાં ઓવરલોડિંગને કારણે બોટ અકસ્માતો વારંવાર થાય છે

ગત વર્ષે પણ બોટ પલટી જવાથી અનેક લોકોના મોત થયા હતા

ગયા વર્ષે ડિસેમ્બરમાં, એક પેસેન્જર ફેરી કાર્ગો જહાજ સાથે અથડાતાં અને ડૂબી જતાં લગભગ 37 લોકો ડૂબી ગયા હતા.ગયા વર્ષે નવેમ્બરમાં, દેશના દક્ષિણમાં ભોલા ટાપુ નજીક ઓવરલોડ ટ્રિપલ ડેકર બોટ પલટી જતાં ઓછામાં ઓછા 85 લોકો ડૂબી ગયા હતા. એક અઠવાડિયા પછી બીજી બોટ ડૂબી ગઈ, જેમાં 46 લોકો માર્યા ગયા. આ વર્ષે અત્યાર સુધીમાં બાંગ્લાદેશમાં અનેક નાની હોડી અકસ્માતોમાં ડઝનેક લોકોના મોત થયા છે.