આત્મહત્યા કરવાના કેસોમાં સતત વધારો થઈ રહ્યો છે. આત્મહત્યા કરી લોકો પોતાનું જીવન ટૂંકાવી રહ્યા છે. કોઈને આર્થિક પ્રોબ્લેમ હોવાને કારણે તો કોઈને અંગત કારણ હોવાને કારણે લોકો મોતને ભેટી રહ્યા છે. ત્યારે સુરતમાં ગઈકાલે એક જ પરિવારના સાત લોકોએ આપઘાત કરી લીધો હતો. સુરત શહેરના પાલનપુર પાટીયામાં એક એપાર્ટમેન્ટમાં રહેતા પરિવારે આપઘાત કરી લીધો હતો. જે સાત લોકોએ આપઘાત કર્યો છે તેમાં માતા-પિતા સાથે દંપત્તિ અને ત્રણ બાળકોનો સમાવેશ થાય છે. એક સાથે સાત લોકોના મોત થતાં ચકચાર મચી ગયો છે અને દરેક જગ્યાઓ પર તેની ચર્ચા થઈ રહી છે. એક સાથે એક જ પરિવારના સાત સભ્યોની અર્થિ ઉઠતા સમગ્ર વિસ્તારમાં આક્રંદ જોવા મળી રહ્યો છે. 

એક જ પરિવારના સાત સભ્યોએ કરી આત્મહત્યા!

એક જ પરિવારના સાત લોકોએ એકસાથે આપઘાત કર્યો હતો. સુરતના પાલનપુર જકાતનાકા વિસ્તારમાં ઓવેલા સિદ્ધેશ્વર કોમ્પ્લેક્સના આખા પરિવારે મોતને વ્હાલુ કર્યું છે. મનીષભાઈ સોલંકીએ તેમની પત્ની, ત્રણ સંતાનો સાથે માતા પિતા સાથે તેમણે આત્મહત્યા કરી લીધી હતી.  પરિવારના તમામ સભ્યો ઘરમાંથી તેમના મૃતદેહ મળી આવ્યા હતા. ગઈકાલે આ આપઘાતના સમાચાર મળતા દરેક જગ્યા પર આની ચર્ચા થઈ રહી હતી. 

ઝેરી દવા પીને પરિવારે ટૂંકાવ્યું જીવન!

ઘટનાની જાણ થતાં પોલીસ ઘટનાસ્થળ પર પહોંચી હતી અને આ અંગે તપાસ હાથ ધરી છે. પોલીસ જ્યારે ઘટનાસ્થળ પર પહોંતી ત્યારે મનીષ સોલંકી પંખા સાથે લટકાયેલી હાલતમાં મળી આવ્યા હતા. પત્ની રીટા, માતા શોભના, પિતા કનુભાઈ અને ત્રણ સંતાનો એવા દિશા, કાવ્યા અને કુશલના મૃતદેહ મળી આવ્યો હતો. પ્રાથમિક તપાસમાં બહાર આવ્યું કે આખા પરિવારે ઝેરી દવા પીધી અને મોતને વ્હાલું કર્યું. 

પોસ્ટમોર્ટમમાં ઉકેલાશે આ મોતનો ભેદ!

પોલીસે જ્યારે આ અંગે તપાસ કરી ત્યારે પોલીસને એક સ્યુસાઈડ નોટ મળી આવી. એ સ્યુસાઈડ નોટમાં ઉલ્લેખ કરાયો હતો કે એક વ્યક્તિ પાસેથી તેમણે પૈસા લીધા હતા. નામના આ વસ્તુનો તો ઉલ્લેખ કર્યો પરંતુ કોની પાસેથી તેમણે પૈસા લીધા તે નામ જણાવ્યું ન હતું. તમામ મૃતદેહને પોસ્ટમોર્ટમ માટે મોકલી આપવામાં આવ્યા. આ મામલે નવો વળાંક આવ્યો છે. પહેલા એવું માનવામાં આવતું હતું કે તમામ લોકોએ ઝેરી દવા પીધી છે પરંતુ પોસ્ટમોર્ટમમાં નવી માહિતી સામે આવી છે. મળતી માહિતી અનુસાર માતા અને દીકરીનું ગળું દબાવવામાં આવ્યું હતું. પોસ્ટમોર્ટમ રિપોર્ટમાં આવી જાણકારી મળતા પોલીસે આત્મહત્યાની સાથે સાથે હત્યા અંગે પણ તપાસ કરવાની આરંભી દીધી છે.

એક સાથે ઉઠી એક જ પરિવારના સાત સભ્યોની અર્થી 

એ દ્રશ્યોની આપણે કલ્પના કરી શકીએ છીએ જ્યારે એક સાથે સાત સાત અર્થી ઉઠે છે. આખા વિસ્તારમાં શોકની લાગણી પ્રવર્તિ ઉઠી છે. અંતિમ  વિધીમાં મોટી સંખ્યામાં લોકો જોડાયા હતા. એવી પણ માહિતી સામે  આવી છે કે આ અંતિમયાત્રામાં ધારાસભ્ય પૂર્ણેશ મોદી પણ સામેલ થયા હતા. પોલીસે આ મામલે તપાસ આરંભી છે હવે જોવું રહ્યું કે આ ઘટનામાં શું નવું બહાર આવે છે.