.jpg "The News Reporter")
ધીરેન્દ્ર શાસ્ત્રીના દરબારની ચર્ચાઓ હાલ જોવા મળી રહી છે. દેશભરમાં હિન્દુત્વના નવા પોસ્ટર બોય અને ચમત્કારી બાબા તરીકે જાણીતા થયેલા બાબા ધીરેન્દ્ર શાસ્ત્રીનો દરબાર ગુજરાતમાં થવાનો છે. રાજ્યના વિવિધ શહેરોમાં તેમનો દરબાર ભરાવાના છે. અમદાવાદ તેમજ રાજકોટમાં તેમના દિવ્ય દરબાર ભરાવાનો છે. ત્યારે ગુજરાતની મુલાકાતે બાબા આવે તેની પહેલા વિવાદ શરૂ થઈ ગયો છે. વિજ્ઞાન જાથાના ચેરમેને બાબા અંગે નિવેદન આપ્યું હતું તે બાદ અમદાવાદ મેડિકલ એસોશિયેશનના સભ્ય અને જાણીતા ડોક્ટર વસંત પટેલે બાબા ધીરેન્દ્ર શાસ્ત્રીને પકડાર ફેંક્યો છે.
ધીરેન્દ્ર શાસ્ત્રીને ડોક્ટરે ફેંક્યો પડકાર!
દેશમાં ઘણા સમયથી ધીરેન્દ્ર શાસ્ત્રીના દરબાર અંગે ચર્ચાઓ ચાલી રહી છે. દેશના અનેક રાજ્યોમાં શાસ્ત્રીનો દરબાર ભરાતો હોય છે અને દરબારમાં મોટી સંખ્યામાં લોકો પણ હાજરી આપતા હોય છે. ત્યારે ગુજરાતમાં પણ ધીરેન્દ્ર શાસ્ત્રીનો દરબાર ભરાવાનો છે. ગુજરાતના સુરત, અમદાવાદ તેમજ રાજકોટમાં તેમના દરબારનું આયોજન કરવામાં આવ્યું છે. પરંતુ તેમની ગુજરાત મુલાકાત પહેલા વિવાદ શરૂ થઈ ગયો છે. અનેક લોકો તેમને પડકાર ફેંકી રહ્યા છે. બાગેશ્વર ધામના ધીરેન્દ્ર શાસ્ત્રીને અમદાવાદ મેડિકલ એસોસિએશનના સભ્ય અને ડોક્ટર વસંત પટેલે તેમને બાબાને પકડાર ફેંક્યો છે. અમદાવાદમાં બાબાનો દરબાર 29 અને 30 મેના રોજ લાગવાનો છે.
સોશિયલ મીડિયા પર કરી પોસ્ટ!
ડોક્ટર વસંત પટેલે સોશિયલ મીડિયા પર એક પોસ્ટ મૂકી હતી જેમાં લખવામાં આવ્યું હતું કે બાબા ધીરેન્દ્ર શાસ્ત્રીને ચેલેન્જ છે કે જો તેમનામાં કોઈ શક્તિ કામ કરે છે તો કેન્સર અને કિડની હોસ્પિટલમાં દર્દીઓના દુખ દૂર કરે. તે સિવાય બીજી એક પોસ્ટમાં તેમણે લખ્યું હતું કે ભોળા અને લાલચુ ભક્તો જોગ જો બાબા બાગેશ્વરમાં શક્તિ હોય તો ભારતમાં આતંકવાદીઓ અને નક્સલીઓનો ખાતમો કરે.
દરબાર પહેલા જ છેડાયો વિવાદ!
ઉલ્લેખનિય છે કે આની પહેલા વિજ્ઞાન જાથાના ચેરમને નિવેદન આપ્યું હતું જેમાં તેમણે કહ્યું કે બાગેશ્વર ધામવાળા ધીરેન્દ્ર શાસ્ત્રી ધર્મના નામે તુત ફેલાવી રહ્યા છે, તે ધર્મના નામે લોકોની ભાવના સાથે રમત રમી રહ્યા છે. સાથે જ વિજ્ઞાન જાથાના ચેરમેને બાબાને ખુલ્લો પડકાર ફેંક્યો છે કે જો તે ચમત્કાર જાણતા હોય તો ડ્રગ્સ અંગે માહિતી આપે. દેશમાં અ નેક સમસ્યાઓ છે, તેનું સમાધાન આપે. બાકી અન્ય ખોટી વાતો ન કરે. ત્યારે હવે ડોક્ટરે બાબાને પકડકાર આપ્યો છે. મહત્વનું છે કે બાબાની ગુજરાત મુલાકાત પહેલા વિરોધ અને વિવાદ શરૂ થઈ ગયો છે.
