ભારત અને ઓસ્ટ્રેલિયા વર્લ્ડ કપની ફાઈનલ મેચ બાદ સોશિયલ મીડિયા પર એક # ટ્રેન્ડ થઈ રહ્યો હતો પનોતી. મેચમાં ભારતની ટીમને હારનો સામનો કરવો પડ્યો હતો. પહેલા આ # માત્ર સોશિયલ મીડિયા પર ટ્રેન્ડ થઈ રહ્યો હતો પરંતુ આ અંગે ચર્ચા ત્યારે મીડિયા પર કરવામાં આવી જ્યારે એક જનસભામાં રાહુલ ગાંધીએ આ શબ્દનો ઉપયોગ કર્યો હતો. તે બાદ આ શબ્દને લઈ રાજનીતિ ગરમાઈ હતી. ત્યારે ફરી એક વખત આવો # ટ્રેન્ડ થઈ રહ્યો છે જેમાં રાહુલ ગાંધી પનોતી હૈં લખવામાં આવ્યું છે. તે સિવાય બીજું એક # પણ ટ્રેન્ડ થઈ રહ્યું છે પપ્પુ પનૌતી.. 

રાહુલ ગાંધી પનોતી હૈં # થઈ રહ્યું છે ટ્રેન્ડ 

ચાર રાજ્યો વિધાનસભા ચૂંટણી માટે મતગણતરી ચાલી રહી છે. ત્રણ મધ્યપ્રદેશ, રાજસ્થાન તેમજ છત્તીસગઢમાં ભાજપ પાર્ટી જીત તરફ અગ્રેસર થઈ રહી છે. અલગ અલગ જગ્યાઓથી જીતની ઉજવણીના પણ દ્રશ્યો સામે આવ્યા જેમાં કાર્યકર્તાઓ ઢોલ નગારા સાથે ઝુમી રહ્યા હતા. આ બધા વચ્ચે સોશિયલ મીડિયા પર એક # ટ્રેન્ડ થઈ રહ્યું છે રાહુલ ગાંધી પનોતી હે. થોડા સમય પહેલા પનોતી ટ્રેન્ડ થઈ રહ્યું હતું જ્યારે હવે આ # ટ્રેન્ડ થઈ રહ્યું છે. અનેક લોકોએ આ # સાથે રાહુલ ગાંધીના અનેક વીડિયો મૂક્યા છે. ઉલ્લેખનીય છે કે જ્યારે જ્યારે મોટી ઘટના બનતી હોય છે ત્યારે ત્યારે અનેક # ટ્રેન્ડમાં થતા હોય છે. ત્યારે ચાર રાજ્યોના પરિણામને લોકો રાહુલ ગાંધી સાથે જોડી રહ્યા છે તેવું લાગી રહ્યું છે!