.jpg "The News Reporter")
2019માં કોરોના મહામારીએ સમગ્ર વિશ્વમાં હાહાકાર મચાવ્યો હતો. ભારતમાં પણ લાખો કોરોના સંક્રમિત થયા છે અને હજારો લોકોના મોત થયા છે. ફરી એક વખત કોરોનાના કેસમાં વધારો થયો છે. રવિવારે કોરોનાના 335 નવા કેસ સામે આવ્યા છે. આ સાથે ભારતમાં કોરોના સંક્રમિતોનો આંકડો 1701 પર પહોંચ્યો છે. પાંચ લોકોના મોત થયા છે જેમાં કેરળમાં ચાર લોકોના મોત થયા છે. અને એક ઉત્તરપ્રદેશના વ્યક્તિનું મોત કોરોનાને કારણે થયું છે. કોવિડનો વેરિયન્ટ જેએન-1 નોંધાયો છે.
દેશમાં કોરોના ફરી કરી રહ્યો છે પગપેસારો
કોરોના.... એક સમય હતો જ્યારે આ શબ્દ સાંભળતા જ લોકોમાં ડર વ્યાપી ઉઠતો. કોરોના મહામારીમાં અનેક પરિવારો વિખેરાયા છે. આપણામાંથી પણ અનેક લોકો હશે જેમણે કોરોનાને કારણે પોતાના સ્વજનો ગુમાવ્યા છે. હજારોની સંખ્યામાં લોકો કોરોના સંક્રમિત થયા. પ્રતિદિન કેટલાય લોકો કોરોનાની ઝપેટમાં આવ્યા તે અંગેની માહિતી આપવામાં આવતી હતી. ધીરે ધીરે કોરોના વાયરસની અસર ઓછી થતી ગઈ પરંતુ ફરી એક વખત કોરોના જાણે પગ પૈસારો કરી રહ્યો હોય તેવું લાગે છે. એક જ દિવસમાં દેશમાં કોરોનાના 335 નવા કેસ નોંધાયા છે. આ સાથે જ કોરોના કેસનો આંકડો 1701 થઈ ગયો છે.
દેશમાં વધી રહ્યા છે કોરોનાના કેસ
2019માં એક ખતરનાક વાયરસ આવ્યો જેણે લોકોના જીવને જોખમમાં મૂકી દીધો. ન માત્ર ભારતના લોકો પરંતુ વિશ્વભરના લોકો આ વાયરસથી સંક્રમિત થયા અને અનેક લોકો મોતને ભેટ્યા. કોરોનાથી લોકો સુરક્ષિત રહે તે માટે લોકડાઉન કરવામાં આવ્યું. કોઈને એ સમય વેકેશન જેવો લાગતો હતો તો કોઈ માટે એ સમય કપરો હતો. આજે કોરોનાના સમયની વાત નથી કરવી પરંતુ કોરોના કેસોની વાત કરવી છે. રવિવારે કોરોનાના 335 કેસ નોંધાયા છે. પાંચ લોકોના મોત કોરોનાને કારણે થયા છે.
જો શરદી ઉધરસ હોય તો આજે જ ડોક્ટરનો સંપર્ક કરો
આ સમાચાર વાંચ્યા બાદ અનેક લોકો કહેશે કે સમાચાર વાળા ડરાવવાનું કામ કરી રહ્યા છે. અમે ડરાવવાનું કામ નથી કરી રહ્યા પરંતુ એ જણાવવાનો પ્રચત્ન કરી રહ્યા છીએ કે કોરોના એકદમ જતો રહ્યો છે એવું નથી. એમ પણ હમણાં શિયાળાની સિઝન ચાલે છે. આ સમય દરમિયાન અનેકને ખાંસી, ઉધરસ આવતી હોય છે. કોરોનામાં પણ આવા જ લક્ષ્ણો હતા. જો થોડા દિવસોમાં ખાંસી કે ઉધરસ ન જાય તો ડોક્ટર પાસે જવું જોઈએ. શિયાળાની શરૂઆત સાથે જ કોરોના કેસમાં ઉછાળો જોવા મળ્યો છે.
વિશ્વ આરોગ્ય સંસ્થાએ આપી ચેવતણી!
ન માત્ર ભારતમાં પરંતુ વિશ્વના અનેક દેશોમાં કોરોનાના કેસોમાં ઉછાળો આવ્યો છે. વધતા કોરોનાના કેસને લઈ વિશ્વ સ્વાસ્થ્ય સંગઠનએ ઘણા દેશોમાં કોરોનાના વધી રહેલા કેસ પર ચિંતા વ્યક્ત કરી છે. સંસ્થાએ તમામ અસરગ્રસ્ત દેશોને નજીકથી દેખરેખ રાખવા અને પરીક્ષણ ચાલુ રાખવા વિનંતી કરી છે. જેમણે કોરોનાના કેસ વધવા પાછળના કારણો સમજાવ્યા અને સાવચેતી રાખવાની પણ વાત કરી. મહત્વનું છે કે કોરોનાના વધતા કેસને જોતા એલર્ટ રહેવા સલાહ આપી છે.
