BJPએ ગઈકાલે ૭ બેઠકો પર ઉમેદવાર જાહેર કરી દીધા છે. 26 બેઠકોમાંથી ભાજપે 22 બેઠકો માટે ઉમેદવારોના નામની જાહેરાત કરી દીધી છે. ચાર બેઠકો માટે ભાજપમાં મનોમંથન ચાલી રહ્યું હોય તેવું લાગી રહ્યું છે. ગુજરાતની ચાર બેઠકો માટે ભાજપે ઉમેદવારના નામની જાહેરાત નથી કરી તેમાંની એક બેઠક છે અમરેલી. અમરેલી બેઠક માટે ના તો કોંગ્રેસે ના તો ભાજપે ઉમેદવારના નામની જાહેરાત નથી કરી. ત્યારે એવી માહિતી સામે આવી છે કે અમરેલી બેઠક પરથી દિલીપ સંઘાણી બીજેપીના ઉમેદવાર હોઈ શકે છે. તો કોંગ્રસના ઉમેદવાસ તરીકે પરેશ ધાનાણીના નામની ચર્ચા થઈ રહી છે.    

ગુજરાતની ચાર બેઠકો માટે ભાજપે ઉમેદવારો નથી કર્યા જાહેર  

ગઈકાલે ભારતીય જનતા પાર્ટી દ્વારા ઉમેદવારોની બીજી યાદી જાહેર કરવામાં આવી છે. તે લિસ્ટમાં ગુજરાતની 7 બેઠકો માટે ઉમેદવારોના નામની ઘોષણા કરવામાં આવી છે. સાબરકાંઠા પરથી ઉમેદવાર છે ભીખાજી ઠાકોર, છોટા ઉદેપુરથી જસુભાઈ રાઠવા , અમદાવાદ પૂર્વથી હસમુખભાઈ પટેલ, વલસાડથી ધવલ પટેલ, ભાવનગર બેઠક પરથી નિમુબેન બામભણીયા, સુરતથી મુકેશ દલાલ, વડોદરા બેઠક પરથી રંજનબેન ભટ્ટને ટિકીટ આપવામાં આવી છે. 22 બેઠકો માટે ભાજપે ઉમેદવારના નામની જાહેરાત કરી દીધી છે પરંતુ અમરેલી સહિત ચાર બેઠકો એવી છે જેને લઈ નામ જાહેર નથી કરવામાં આવ્યા.

દિલીપ સંઘાણી હોઈ શકે છે ભાજપના સંભવિત ઉમેદવાર

અમરેલી બેઠક માટે ભાજપના ઉમેદવાર કોણ હોઈ શકે છે તે અંગે અસમંજસ છે. અનેક લોકોના નામોની ચર્ચા ચાલી રહી છે. ત્યારે સમાચાર આવી રહ્યા છે કે , અમરેલી બેઠક પરથી દિલીપ સંઘાણી BJPના ઉમેદવાર હોઈ શકે છે. દિલીપ સંઘાણી ૧૯૯૧થી ૨૦૦૪ સુધી અમરેલીના BJP માંથી સાંસદ રહી ચુક્યા છે . હાલમાં દિલીપ સંઘાણી IFFCOના ચેરમેન પદે છે . ૨૦૦૭થી ૨૦૧૨માં અમરેલી વિધાનસભા બેઠક પરથી MLA પણ રહી ચુક્યા છે. આ કાર્યકાળમાં તેઓ કૃષિ વિભાગના મંત્રી પણ રહી ચુક્યા છે, અગાઉ તેઓ ૧૯૮૨ થી ૧૯૯૧ સુધી અમરેલીના MLA પણ રહી ચુક્યા છે . 

અમરેલી લોકસભા બેઠકમાં આ વિધાનસભા બેઠકોનો થાય છે સમાવેશ 

જો અમરેલી લોકસભાની વાત કરીએ તો ૨૦૦૯થી નારણભાઇ કાછડીયા ભારતીય જનતા પાર્ટીમાંથી સાંસદ છે. આ અમરેલી લોકસભામાં આવે છે ૭ વિધાનસભાઓ ધારી , અમરેલી, લાઠી, સાવરકુંડલા, રાજુલા, મહુઆ, ગારિયાધાર. ૨૦૨૨ની વિધાનસભાની ચૂંટણીઓમાં આ તમામ બેઠકો ગારિયાધાર સિવાયની BJPએ જીતી લીધી હતી.ગારિયાધાર બેઠક આમ આદમી પાર્ટીના ઉમેદવાર સુધીર વાઘાણીએ જીતી હતી. 

કોંગ્રેસ અમરેલીથી ઉતારી શકે છે પરેશ ધાનાણીને  ચૂંટણી મેદાનમાં

હવે વાત કરીએ આ અમરેલી લોકસભાના જાતિગત સમીકરણોની તો આ અમરેલી લોકસભાની બેઠકએ પાટીદાર સમાજના બહુમતી વાળી બેઠક છે. આપને જણાવી દઈએ કે આ અમરેલી લોકસભા પર કોંગ્રેસના વીરજી ઠુમ્મર માત્ર ૨૦૦૪માં જીત્યા હતા . હવે વાત કરીએ કોંગ્રેસના સંભવિત ઉમેદવારની તો કોંગ્રેસમાંથી પરેશ ધાનાણીના વાતની ચર્ચા થઈ રહી છે.   ૨૦૦૨ની વિધાનસભાની ચૂંટણીઓમાં માં પુરષોત્તમ રૂપાલાને હરાવ્યા હતા. આ પછી ૨૦૧૨માં દિલ્લીપ સંઘાણીને હરાવ્યા હતા. અને હવે અમરેલી વિધાનસભા પરથી કૌશિક વેકરીયા BJPના MLA છે . તો જોઈએ ૨૦૨૪ની આ લોકસભાનો આ જંગ કોણ જીતે છે?