.jpg "The News Reporter")
લદાખની સ્કૂલમાં છઠ્ઠા ધોરણમાં અભ્યાસ કરતી છોકરીનું નામ મકસુમા જણાવવામાં આવ્યું છે
આ વિડીયોમાં જોઈ શકાય છે કે મકસુમા અદ્દભુત શોટ્સ ફટકારે છે
તેણે તે પણ જણાવ્યું હતું કે તે મહેન્દ્ર સિંહ ધોનીનો ટ્રેડમાર્ક હેલીકોપ્ટર શોટ શીખવા ઈચ્છે છે
આ વિડીયોમાં જોઈ શકાય છે કે મકસુમા અદ્દભુત શોટ્સ ફટકારે છે. એક શોટમાં તેણે બોલ સ્કૂલ ગ્રાઉન્ડની બહાર કરી દીધો હતો. આ વિડીયોમાં મકસુમા જણાવે છે કે તે ભારતના સ્ટાર બેટર વિરાટ કોહલીની ફેન છે અને તે તેના જેવી બનવા ઈચ્છે છે. તેણે તે પણ જણાવ્યું હતું કે તે હેલીકોપ્ટર શોટ શીખવા ઈચ્છે છે.
લદાખની એક છોકરીનો બેટિંગ કરતો વિડીયો સોશિયલ મીડિયા પર વાયરલ થયો છે. આ છોકરી પોતાની સ્કૂલમાં ક્રિકેટ રમી રહી છે અને તેની બેટિંગના લોકો દિવાના થઈ ગયા છે. તેની બેટિંગના વિડીયોની ક્લિપ લદાખના ડાયરેક્ટોરેટ ઓફ સ્કૂલ એજ્યુકેશન (DSE) દ્વારા ટ્વિટર પર શેર કરવામાં આવ્યો છે. તેના કેપ્શનમાં ડીએસઈ દ્વારા છઠ્ઠા ધોરણમાં અભ્યાસ કરતી છોકરીનું નામ મકસુમા જણાવવામાં આવ્યું છે. તેના કેપ્શનમાં લખ્યું છે કે ઘરે મારા પિતા અને સ્કૂલમાં મારા શિક્ષક મને ક્રિકેટ રમવા માટે પ્રોત્સાહિત કરે છે. હું વિરાટ કોહલીની જેમ રમવા માટે મારી પૂરી તાકાત લગાવી દઉ છું.
આ વિડીયોમાં જોઈ શકાય છે કે મકસુમા અદ્દભુત શોટ્સ ફટકારે છે. એક શોટમાં તેણે બોલ સ્કૂલ ગ્રાઉન્ડની બહાર કરી દીધો હતો. આ વિડીયોમાં મકસુમા જણાવે છે કે તે ભારતના સ્ટાર બેટર વિરાટ કોહલીની ફેન છે અને તે તેના જેવી બનવા ઈચ્છે છે. તેણે તે પણ જણાવ્યું હતું કે તે હેલીકોપ્ટર શોટ શીખવા ઈચ્છે છે. નોંધનીય છે કે હેલીકોપ્ટર શોટ ભારતીય ક્રિકેટ ટીમના ભૂતપૂર્વ સુકાની મહેન્દ્ર સિંહ ધોનીનો ટ્રેડમાર્ક શોટ હતો.
મકસુમાએ જણાવ્યું હતું કે, હું નાનપણથી જ ક્રિકેટ રમું છું. હું હજી પણ શીખી રહી છું, ખાસ કરીને હેલીકોપ્ટર શોટ કેવી રીતે રમાય તે શીખી રહી છું. બીજો રન લીધા બાદ અમે થાકી જઈએ છીએ અને વધુ રન લેવા ઈચ્છતા નથી. મારો ફેવરિટ ક્રિકેટર વિરાટ કોહલી છે અને હું તેના જેવી બનવા ઈચ્છું છું.
ટ્વિટર પર આ વિડીયો ઘણો જ વાઈરલ થયો છે. સોશિયલ મીડિયા યુઝર્સ તેની બેટિંગની પ્રશંસા કરી રહ્યા છે. એક યુઝરે લખ્યું છે કે વાઉ.. વોટ અ શોટ! અદ્દભુત... આગળ વધો. એક યુઝરે લખ્યું છે કે, સુપર! થોડા વર્ષોમાં મકસુમાને નેશનલ અને ઈન્ટરનેશનલ લેવલે રમતી જોવા આતુર છું. એક યુઝરે લખ્યું હતું કે, ઓલ ધ બેસ્ટ મકસુમા. આશા છે કે તે ભવિષ્યમાં ભારત માટે રમશે અને પોતાના આદર્શ વિરાટ કોહલી સાથે મુલાકાતા તો ચોક્કસથી બને છે. અન્ય એક યુઝરે લખ્યું હતું કે, લાગે છે કે ભારતમાં ઘણી છૂપાયેલી પ્રતિભા રહેલી છે ખાસ કરીને નવા બનેલા લદાખ અને જમ્મુ-કાશ્મીર રાજ્યમાં આવી પ્રતિભા છૂપાયેલી છે.
