25 નવેમ્બરથી 10 ડિસેમ્બર દરમિયાન મહિલા વિરૂદ્ધ હિંસા નિવારણ દિવસ ઉજવવામાં આવે છે. આ દિવસ ઉજવવા પાછળનું કારણ એ હતું કે મહિલાઓ સામેની હિંસાની તેમના સ્વાસ્થ્ય પર થતી પ્રતિકૂળ અસરો અંગે જનજાગૃતિમાં વધારો કરી શકાય. મહિલાઓ પર હિંસાના, બળજબરીના કિસ્સાઓ સતત વધી રહ્યા છે. મહિલાઓ પર એસિડ એકેટ થાય, ગેંગ રેપ જેવી ઘટનાઓ બનતી હોય છે. ત્યારે એક મીડિયા રિપોર્ટ અનુસાર ગુજરાતમાં પ્રતિમહિને સરેરાશ 45 જેટલી મહિલાઓ બળાત્કારનો ભોગ બની રહી છે. મહિલાઓ પર એસિડ એટેક કરવામાં આવે છે, હવસનો શિકાર બનાવાય છે. 

પ્રતિ મહિને સરેરાશ 45 જેટલી મહિલાઓ બને છે બળાત્કારનો ભોગ 

એક સમય એવો હતો જ્યારે ગુજરાતને મહિલાઓ માટે સુરક્ષિત રાજ્ય માનવામાં આવતું હતું. મહિલાઓ મોડી રાત્રે પણ ઘરની બહાર નીકળે તો તેમના માતા પિતાને ડર રહેતો ન હતો. દીકરીને લઈ માતા પિતા સુરક્ષિત અનુભવ કરી શક્તા હતા પરંતુ જેમ જેમ સમય બદલાયો તેમ તેમ પરિસ્થિતિ પણ બદલાઈ. મહિલાઓ માટે સુરક્ષિત રાજ્ય મનાતું ગુજરાત મહિલાઓ માટે અસુરક્ષિત ધીરે ધીરે બનતું ગયું. મહિલાઓ પર અત્યાચાર વધતા ગયા. મહિલાઓ પર બળાત્કાર કરવાના કિસ્સાઓ વધતા ગયા. એસિડ એટેકનો શિકાર પણ મહિલા બની રહી છે. ત્યારે એક મીડિયા રિપોર્ટ અનુસાર પ્રતિ મહિને  45 જેટલી મહિલાઓ બળાત્કારનો શિકાર બની રહી છે. એક અહેવાલ અનુસાર વર્ષ 2018થી 2021 દરમિયાન ગુજરાતમાં 2156 મહિલાઓ પર બળાત્કાર થયો હતો. 

નાની બાળકીઓ પણ બળાત્કારનો શિકાર બની રહી છે...!

લોકોની માનસિક્તા એ હદે ખરાબ થઈ ગઈ છે કે નાની બાળકીઓ પણ હવસનો શિકાર બની રહી છે. જે બાળકીઓને બળાત્કાર શબ્દ શું, જબરદસ્તી કોને કહેવાય તેવા શબ્દોની ખબર નથી હોતી તેમની પર બળાત્કાર થાય છે. અનેક કિસ્સાઓમાં તો બળાત્કાર કરનાર વ્યક્તિ તેની આસપાસનો જ હોય છે. એક અહેવાલ મુજબ વર્ષ 2018થી 2021 દરમિયાન ગુજરાતમાં 2156 મહિલાઓ પર બળાત્કાર ગુજારવામાં આવ્યો છે. પ્રતિ વર્ષે સરેરાશ 550 મહિલાઓ પર બળાત્કારના કેસ નોંધાયા છે. 

ગુજરાતની મહિલાઓ પર થાય છે એસિડનો એટેક!

છેલ્લા ચાર વર્ષમાં ગુજરાતમાં 3762 મહિલાઓ પર અત્યાચાર થયો હોય તેવી ફરિયાદ નોંધાઇ છે. પ્રતિ મહિને સરેરાશ 100 મહિલા પર અત્યાચાર થતો હોય છે. મીડિયા રિપોર્ટ અનુસાર 2018થી 2021 દરમિયાન ૨૨ મહિલાઓ પર એસિડ એટેક થયો હોય તેવી પણ માહિતી પણ સામે આવી છે. મહત્વનું છે કે એક તરફ આપણે મહિલા સુરક્ષાની વાતો કરીએ છીએ, મહિલાઓને પુરૂષોના સમકક્ષ દરજ્જો આપવાની વાત કરીએ છીઓ તો બીજી તરફ આવા કિસ્સાઓ શર્મિંદા કરે છે.