અમેરિકામાં રહેતા ભારતીયો પણ હવે દીવાળીની મજા માણી શકશે. અમેરિકન કોંગ્રેસમાં દિવાળીને ફેડરલ રજા જાહેર કરવા માટે બિલ શુક્રવારે રજૂ થયું હતું. અમેરિકન ક્રોંગ્રેસના મહિલા સાંસદ ગ્રેસ મેંગે ફેડરલ રજા જાહેર કરવા માટે બિલ રજૂ કર્યું હતું. ગ્રેસ મેંગે શનિવારે ટ્વીટ કરીને લખ્યું કે, આજે મને દિવાળી ડે એક્ટની જાહેરાત કરતા ગર્વ થાય છે, મારું બિલ જે દિવાળીને ફેડરલ રજા બનાવશે. મારા તમામ સરકારી સાથીદારો અને ઘણા વકીલોનો આભાર કે જેઓ તેમનો ટેકો વ્યક્ત કરવામાં મારી સાથે જોડાયા હતા. દીપાવલીને 12મી ફેડરલ રજાને માન્યતા આપવામાં આવશે.

દિવાળી ડે એક્ટ પસાર

અમેરિકન કોંગ્રેસમાં દિવાળી ડે એક્ટ પસાર થતાં હવે અમેરિકામાં 12મી સંઘીય માન્યતા જાહેર રજા બની જશે. મેંગે હાઉસ ઓફ રિપ્રેઝન્ટેટિવ્સમાં બિલ રજૂ કર્યા પછી તરત જ યુએસમાં વર્ચ્યુઅલ ન્યૂઝ કોન્ફરન્સ દરમિયાન જણાવ્યું હતું કે, દિવાળી એ વિશ્વભરના અબજો લોકો અને ક્વીન્સ, ન્યૂયોર્ક અને યુનાઇટેડ સ્ટેટ્સમાં અસંખ્ય પરિવારો અને સમુદાયો માટે વર્ષનો સૌથી મહત્વપૂર્ણ દિવસ છે.અત્રે ઉલ્લેખનિય છે કે તાજેતરમાં, પેન્સિલવેનિયા સ્ટેટ સેનેટે દિવાળીને સત્તાવાર રજા તરીકે માન્યતા આપવાનું બિલ પસાર કર્યું હતું, પેન્સિલવેનિયા સ્ટેટ સેનેટના સભ્ય નિકિલ સવાલે એક ટ્વિટમાં જાહેરાત કરી હતી.

PM મોદી અમેરિકાની મુલાકાતે જશે

અત્રે ઉલ્લેખનિય છે કે વડાપ્રધાન નરેન્દ્ર મોદી 22 જૂને અમેરિકાની સત્તાવાર મુલાકાતે જઈ રહ્યા છે. મીડિયા રિપોર્ટ્સ અનુસાર, તેમની મુલાકાત દરમિયાન તેઓ અમેરિકાના રાષ્ટ્રપતિ જો બિડેન અને ફર્સ્ટ લેડી જીલ બિડેન દ્વારા આયોજિત વ્હાઈટ હાઉસ, સ્ટેટ ડિપાર્ટમેન્ટમાં એક સ્ટેટ ડિનરમાં પણ હાજરી આપશે. સાથે જ ભારતીય સમુદાયના વિવિધ કાર્યક્રમોમાં ભાગ લેશે.