વડોદરાથી એક વીડિયો સામે આવ્યો જે વાલીઓ માટે ચોંકાવનારો તેમજ લાલબત્તી સમાન છે.. અનેક વાલીઓ પોતાના બાળકોને સ્કૂલ વાનથી શાળાએ મોકલે છે.. અનેક એવા વીડિયો આપણે જોયા હશે જેમાં બાળકોના જીવ જોખમમાં મૂકાતા હોય છે.. ક્ષમતા કરતા વધારે બાળકોને વાનમાં બેસાડવામાં આવે છે, તો કોઈ વખત વાન વાળા બેફામ ગાડી ચલાવતા હોય છે. એક વીડિયો સોશિયલ મીડિયા પર વાયરલ થઈ રહ્યો છે જેમાં પૂરપાટે ગાડી સોસાયટીની અંદરથી પસાર થઈ રહી છે અને તેમાંથી બે વિદ્યાર્થીનીઓ નીચે પડી ગઈ..  

વડોદરાથી સામે આવ્યો વીડિયો જે.. 

બાળકોના જીવ અનેક વખત જોખમમાં મૂકાઈ જતા હોય છે. ઘેંટા બકરાની જેમ છોકરાઓને વાનમાં ભરી દેવામાં આવે છે, બેફામ રીતે અનેક ડ્રાઈવરો ગાડી ચલાવે છે.  બાળકોની સુરક્ષાને લઈ પણ અનેક સવાલો ઉભા થાય છે ત્યારે એક વીડિયો વડોદરાથી સામે આવ્યો છે જેમાં એક સોસાયટીમાંથી પુરપાટ ઝડપે પસાર થતી સ્કૂલ વાનમાંથી વિદ્યાર્થિનીઓ ટપોટપ નીચે પટકાઈ... ભગવાનનો આભાર માનીએ કે સામાન્ય ઈજા સિવાય કશું થયું નથી.... આ તો સમગ્ર ઘટના સીસીટીવીમાં કેદ થઈ એટલે ખબર પડી કે વાનમાં બાળકો કેટલા સુરક્ષિત છે... 

વિદ્યાર્થીનીઓ જમીન પર પટકાઈ ગઈ.. 

જે વીડિયો સામે આવ્યો છે, જે વીડિયો વાયરલ થઈ રહ્યો છે તેમાં દેખાઈ રહ્યું છે કે વાન સોસાયટીની એક ગલીમાંથી નિકળે છે, માત્ર થોડા મીટર વાન આગળ આવે છે અને તેમાંથી બે વિદ્યાર્થીનીઓ  જમીન પર પટકાઈ જાય છે. ડિકીનો દરવાજો ખુલી જાય છે. વિદ્યાર્થીની સાથે સાથે તેમનું સ્કૂલ બેગ પણ પડે છે. આ દ્રશ્ય જોતા નજીકમાં ઘરની બહાર બેઠેલા લોકો ત્યાં આવી જાય છે અને વિદ્યાર્થીનીઓને ઉભા કરે છે. 

વીડિયો વાયરલ થયા બાદ તંત્ર દ્વારા શું લેવાશે પગલા? 

આ મામલે વિદ્યાર્થીઓએ જણાવ્યું હતું કે સ્કૂલ વાન ચાલક સ્પીડમાં ચલાવતો હતો... તો ક્યા પગલા લેવાય શકે એવું જ્યારે પોલીસને પૂછવામાં આવ્યું તો તેમણે કહ્યું કે, લાયસન્સ રદ્દ થઈ શકે, આરસી બુક રદ થઈ શકે...  આ ઘટનાના સીસીટીવી સોશિયલ મીડિયામાં વાયરલ થઈ રહી છે અને એવું માનવામાં આવી રહ્યું છે કે આ ઘટના 19 તારીખની છે. વીડિયો વાયરલ થતાં જ હવે તંત્ર આ મામલે શું કાર્યવાહી કરશે, તેના પર સૌ કોઇની નજર રહેલી છે.... આ મામલે પ્રફૂલ પાનસેરિયાની પ્રતિક્રિયા પણ સામે આવી છે. 

દરેક વાલીઓને વિનંતી કે...  

વિદ્યાર્થિનીઓ પડી ગઈ છે પણ બહુ વાગ્યું નથી... પણ છતાંય આ બેદરકારી ન ચલાવી લેવી જોઈએ.... દરેક વાલીને પણ વિનંતી કરું છું. માત્ર વાન નહીં પણ ડ્રાઈવરને પણ ચેકિંગ કરવું જોઈએ... બધુ જ કાયદો કરી દેશે એવું હું ના માનતા. દરેકે જાગૃત થવું જોઈએ... આ પ્રસંગમાં વાલીઓને પણ વિનંતી કે જાગૃત થાવ.... અને વાન ચાલકોને પણ વિનંતી કે ધ્યાન રાખો..