વડોદરાના ડેપ્યુટી કમિશનર ઓફ પોલીસ યશપાલ જગાનિયાએ જણાવ્યું હતું કે હિંસાનું ચોક્કસ કારણ હજુ સુધી જાણી શકાયું નથી. સીસીટીવી ફૂટેજની તપાસ કરવામાં આવી રહી છે.

દિવાળીની મોડી રાત્રે ગુજરાતના વડોદરામાં બે જૂથો વચ્ચે હિંસક અથડામણ થઈ હતી. આ દરમિયાન ભારે પથ્થરમારો અને આગચંપી થઈ હતી. એટલું જ નહીં બદમાશોએ પોલીસની સામે પેટ્રોલ બોમ્બ પણ ફેંક્યા હતા. આ ઘટના પાણીગેટના મુસ્લિમ મેડિકલ સેન્ટર પાસેની જણાવવામાં આવી રહી છે. બદમાશોનું જોર એટલુ વધી ગયું હતું કે બધાએ સ્ટ્રીટ લાઇટ પર પથ્થરમારો કર્યો અને હંગામો મચાવ્યો. ઘટના અંગે માહિતી આપતા ડીસીપી યશપાલ જગાનિયાએ જણાવ્યું કે પોલીસ તાત્કાલિક ઘટનાસ્થળે પહોંચી ગઈ છે અને કાર્યવાહી કરવામાં આવી રહી છે. હાલ સ્થિતિ સંપૂર્ણ નિયંત્રણમાં છે. ડીસીપીએ કહ્યું કે સીસીટીવીની તપાસ કરવામાં આવી રહી છે અને પ્રત્યક્ષદર્શીઓની પૂછપરછ કરવામાં આવી રહી છે.

પેટ્રોલ બોમ્બ હુમલામાં એક અધિકારીનો જીવ બચી ગયો હતો

વડોદરાના ડીસીપીએ કહ્યું કે દોષિતોને કડકમાં કડક સજા આપવામાં આવશે. શહેરમાં હંગામો મચાવવાની કોઈને મંજૂરી આપી શકાય નહીં. તે જ સમયે, પેટ્રોલ બોમ્બ હુમલામાં એક અધિકારી ભાગી છૂટ્યો હતો. આ ઘટનાની ઘણી તસવીરો પણ સામે આવી છે. આ તસવીરોમાં જોઈ શકાય છે કે કેવી રીતે પોલીસ ઓફિસરની સામે પેટ્રોલ બોમ્બ ફેંકવામાં આવ્યા છે.

વિધાનસભા ચૂંટણી પહેલા પોલીસ માટે મોટો પડકાર

વડોદરા જેવા શહેરમાં વિધાનસભાની ચૂંટણી પહેલા જ આ પ્રકારની હિંસા પોલીસ માટે પડકાર માનવામાં આવી રહી છે. જોકે ડીસીપીએ કડક કાર્યવાહી કરવાની ખાતરી આપી હતી. બદમાશોને પકડવા માટે ઘણી જગ્યાએ દરોડા પણ પાડવામાં આવી રહ્યા છે.