છેલ્લા ઘણા સમયથી વિધાનસભામાં પોર્ન વીડિયો જોવા જાણે સામાન્ય થઈ ગયું હોય તેવું લાગી રહ્યું છે. અનેક નેતાઓના વીડિયો સામે આવી રહ્યા છે જેમાં ધારાસભ્યો ચાલુ વિધાનસભામાં પોર્ન વીડિયો જોતા હોય છે. એક વીડિયો ખૂબ વાયરલ થઈ રહ્યો છે જેમાં ધારાસભ્ય વિધાનસભામાં અશ્લીલ વીડિયો જોઈ રહ્યા છે.સોશિયલ મીડિયા પર વીડિયો જે વાયરલ થઈ રહ્યો છે તે ત્રિપુરા વિધાનસભાનો છે તેવું કહેવામાં આવી રહ્યું છે.

ભાજપના ધારાસભ્ય જોઈ રહ્યા હતા પોર્ન વીડિયો!

ત્રિપુરા વિધાનસભાનો એક વીડિયો વાયરલ થઈ રહ્યો છે. ત્રિપુરામાં ભારતીય જનતા પાર્ટીએ સત્તા વાપસી કરી છે. વિધાનસભાની કાર્યવાહી દરમિયાન અનેક વખત એવી ઘટનાઓ સામે આવતી હોય છે જે ચર્ચાનું કેન્દ્ર બનતા હોય છે. સોશિયલ મીડિયા પર એક વીડિયો વાયરલ થઈ રહ્યો છે જેમાં ત્રિપુરાની બાગબાસા સીટના ધારાસભ્ય સત્ર દરમિયાન ફોનમાં પોર્ન વીડિયો જોઈ રહ્યા છે. વાયરલ થયેલો વીડિયો આ અઠવાડિયાનો છે તેવી વાત કરવામાં આવી છે. વીડિયોમાં જે ધારાસભ્ય દેખાઈ રહ્યા છે તે ભારતીય જનતા પાર્ટીના ધારાસભ્ય જાદબ લાલ નાથ છે. 

અનેક વિધાનસભાથી સામે આવ્યા છે આવા દ્રશ્યો

મોબાઈલ ફોનમાં પોર્ન દેખતા વિધાયક કેમેરામાં કેદ થયા હતા. સોશિયલ મીડિયા પર આ વીડિયો ખૂબ વાયરલ થઈ રહ્યો છે. જે વિધાયક વીડિયોમાં પોર્ન જોતા દેખાય છે તે બાગબાસા વિધાનસભા ક્ષેત્રના છે. 2023માં તેમણે પોતાની સીટથી જીત હાંસલ કરી હતી. ત્યારે આવી જ એક ઘટના ગુજરાતમાં પણ બની હતી. ધારાસભ્ય પોર્ન વીડિયો જોતા દેખાતા હતા. આ પહેલા આવી જ ઘટના કર્ણાટક વિધાનસભાથી સામે આવી હતી. જેમાં કર્ણાટક સરકારના બે મંત્રીઓ પોર્ન વીડિયો જોતા દેખાયા હતા. 

ધારાસભ્યનું આ વલણ કેટલું યોગ્ય?

રાજ્યનું ગૃહ એટલે કે વિધાનસભા એક એવી જગ્યા હોય છે કે જ્યાં દરેક રાજ્યના પ્રશ્નોનું નિરાકરણ થતું હોય છે, ધારાસભ્યો ત્યાં રાજ્યના પ્રશ્નોની ચર્ચા કરતા હોય છે અને રાજ્યના હિતમાં નિર્ણયો લેતા હોય છે, પણ ત્યારે શું થાય કે જ્યારે એ જ વિધાનસભામાં કોઈ ધારાસભ્ય ચાલુ વિધાનસભા દરમિયાન પોર્ન જોઈ રહ્યાં હોય તે કેટલું યોગ્ય?