શિયાળો ધીમે ધીમે વિદાય લઈ રહ્યો છે અને ઉનાળાની શરૂઆત થઈ રહી છે. ગરમીના પ્રમાણમાં સતત વધારો થઈ રહ્યો છે. મહત્તમ તાપમાનમાં વધારો થઈ રહ્યો છે અને ગરમીનો અહેસાસ થવા લાગ્યો છે. થોડા દિવસ પહેલા ગરમીનું પ્રમાણ વધ્યું હતું. બપોરના સમયે ગરમી લાગતી હતી જેને કારણે પંખો ચાલું કરવો પડ્યો ત્યારે આવનાર દિવસમાં તાપમાનના પારામાં 2થી 3 ડિગ્રી જેટલું વધી શકે છે. હવામાન વિભાગ દ્વારા આગાહી કરવામાં આવી છે કે આવનાર દિવસોમાં વરસાદની સંભાવના નહીંવત છે તો બીજી તરફ હવામાન નિષ્ણાત અંબાલાલ પટેલના અનુમાન અનુસાર 15 ફેબ્રુઆરી બાદ ગરમીની શરૂઆત થઈ જશે.  

આ વખતનો ઉનાળો આકરો સાબિત થશે!

ઉનાળાના સમય દરમિયાન એવી ભયંકર ગરમી પડતી હોય છે જેને જોતા લાગે કે આ ઉનાળો ભૂક્કા કાઢી નાખશે. ગરમીને કારણે લોકોની હાલત ગંભીર બનતી હોય છે. ત્યારે આ ઉનાળો પણ આકરો રહેશે તેવી આગાહી હવામાન નિષ્ણાત અંબાલાલ પટેલ દ્વારા કરવામાં આવી છે.  ઉનાળાના સમય દરમિયાન તો આકરી ગરમીનો મારો સહન કરવો પડતો હોય છે પરંતુ આ વખતે તો શિયાળાની સિઝન દરમિયાન પણ ગરમીનો માર સહન કરવો પડ્યો હતો. શિયાળા દરમિયાન પણ બપોરના સમયે પંખો ચાલુ કરવો પડ્યો હતો.

આ વખતનો ઉનાળો તોડી શકે છે અનેક રેકોર્ડને....

હવામાન નિષ્ણાતની આગાહી અનુસાર  15થી 16 ફેબ્રુઆરી બાદ રાજ્યમાં ગરમીનો પારો ધીમે ધીમે વધશે. આ વખતનો ઉનાળો આકરો રહેશે તેવું લાગી રહ્યું છે. શિયાળામાં જ્યારે ગરમી પડી હતી ત્યારે પણ આપણે કહેતા હતા કે શિયાળામાં આવી ગરમી છે તો ઉનાળામાં શું થશે? આ વખતે ગરમી તમામ રેકોર્ડ તોડી શકે છે તેવી આગાહી કરવામાં આવી છે. માર્ચ મહિનામાં જ ગરમીનો પારો 40 ડિગ્રી આસપાસ પહોંચી શકે છે. મે મહિનામાં તો આના કરતા વધારે ગરમીનો પ્રકોપ સહન કરવો પડી શકે છે તેવી આગાહી કરવામાં આવી છે. આ વખતે કાળઝાળ ગરમી સહન કરવા તૈયાર રહેવું પડશે...