ગુજરાતમાં થોડા દિવસોથી વરસાદી માહોલ જામ્યો છે. કાળઝાળ ગરમીની વચ્ચે વરસાદનું આગમન થતાં લોકો ખુશ થઈ ગયા છે.. વરસાદની રાહ લોકો આતુરતા પૂર્વક જોઈ રહ્યા હતા. ક્યારે વરસાદ આવે અને ક્યારે ગરમીથી રાહત મળે તેની રાહ લોકો જોઈ રહ્યા હતા. થોડા દિવસોમાં અથવા તો થોડા કલાકો બાદ ગુજરાતમાં ચોમાસાનું આગમન થઈ જશે તેવું લાગી રહ્યું છે પરંતુ તે પહેલા રાજ્યના અનેક ભાગોમાં વરસાદ વરસી રહ્યો છે જ્યારે અનેક ભાગો માટે વરસાદની આગાહી કરવામાં આવી છે.

આજે આ વિસ્તારોમાં આવી શકે છે વરસાદ 

શનિવારથી અનેક જગ્યાઓ પર વરસાદ વરસી રહ્યો છે. રવિવારે તેમજ સોમાવરે પણ રાજ્યના અનેક ભાગોમાં વરસાદ થયો હતો.. હવામાન વિભાગ દ્વારા વરસાદની આગાહી કરવામાં આવી છે.. અનેક ભાગોમાં કડાકા ભડાકા સાથે વરસાદ વરસી શકે છે તેવું અનુમાન હવામાન વિભાગ દ્વારા કરવામાં આવ્યું છે. આજે કયા વિસ્તારોમાં વરસાદ વરસી શકે છે તેની વાત કરીએ તો જૂનાગઢ, અમરેલી,ભરૂચ,વડોદરા, પંચમહાલ, છોટા ઉદેપુર, તાપી, નવસારી, ડાંગ, ગીર સોમનાથ, ભાવનગર, સાબરકાંઠા, મહીસાગર, અરવલ્લી, દાહોદ, વડોદરા, છોટા ઉદેપુર, ભરૂચ સહિતના વિસ્તારોનો સમાવેશ થાય છે.

બફારાને કારણે લોકો પરેશાન..!

તે સિવાય આવતી કાલ માટે કરવામાં આવેલી આગાહી અનુસાર અમરેલી, ભાવનગર, નર્મદા, સુરત, તાપી, ડાંગ, વલસાડ, નવસારી, દાદરા નગર હવેલીમાં વરસાદ વરસી શકે છે..રાજ્યમાં છેલ્લા 24 કલાકમાં 26 જેટલા તાલુકામાં વરસાદ વરસ્યો છે.. મહત્વનું છે કે વરસાદ તો વરસી રહ્યો છે પરંતુ બફારાને કારણે લોકો ત્રાસી ગયા છે.