હિમાચલ પ્રદેશના કુલ્લુમાં એક ટેમ્પો ટ્રાવેલર ખાડીમાં પડતાં ઓછામાં ઓછા સાત પ્રવાસીઓનાં મોત થયાં અને અન્ય દસ ઘાયલ થયા.આ ઘટના રવિવારે રાત્રે બની છે.

બંજર ઘાટીના ઘિયાગી વિસ્તારમાં રવિવારે રાત્રે 8:30 વાગ્યે એક પ્રવાસી વાહન ભેખડ પરથી નીચે પડતાં સાત લોકોનાં મોત થયાં છે અને 10 અન્ય ઘાયલ થયા. પાંચ ઘાયલોને કુલ્લુની ઝોનલ હૉસ્પિટલમાં ખસેડવામાં આવ્યાં હતા.બંજરના બીજેપી ધારાસભ્ય સુરેન્દ્ર શૌરીએ સોમવારે મધરાત્રે12.45 વાગ્યે તેમના સોશિયલ મીડિયા એકાઉન્ટ દ્વારા ફેસબુક લાઈવ પર એક વીડિયો સ્ટ્રીમ કરીને અકસ્માતની જાણકારી આપી.શૌરીએ અંધારું હોવા છતાં બચાવ કામગીરી હાથ ધરવા બદલ જિલ્લા વહીવટીતંત્ર અને સ્થાનિકોનો આભાર માન્યો હતો.