ગુજરાત વિધાનસભા ચૂંટણી 2022: કુલ મતદારો પૈકીના અડધાની ઉંમર 40થી ઓછી, જો કે પ્રથમ વખતના મતદારો ઘટ્યા

Published By :
Published Date : 2022-11-20 20:30:52

ગુજરાત વિધાનસભાની આગામી ચૂંટણીમાં, કુલ લાયક મતદારોની સંખ્યાના લગભગ અડધા ભાગના 40 વર્ષથી ઓછી ઉંમરના છે. જો કે આ જૂથમાં પ્રથમ વખતના મતદારોનો હિસ્સો ઘટી રહ્યો છે, આ જોતા 10 વર્ષ પહેલાં શરૂ થયેલો ટ્રેન્ડ ચાલુ રહેલો જણાય છે.

2.35 કરોડ મતદારો 40 વર્ષથી નીચેના

ચૂંટણી પંચ દ્વારા શેર કરાયેલા તાજેતરના એનરોલમેન્ટ ડેટા મુજબ, રાજ્યમાં નોંધાયેલા 4.9 કરોડ મતદારોમાંથી લગભગ 2.35 કરોડ મતદારો 40 વર્ષથી નીચેના છે. તેમાંથી પ્રથમ વખતના મતદારોની સંખ્યા 11.74 લાખ છે, જે 2012 અને 2017ની ચૂંટણીમાં 18-19 વય જૂથના મતદારોની સરખામણીમાં ઓછી છે.

પ્રથમ વખતના મતદારો કુલ મતદારોના 2.39 ટકા

આ ચૂંટણીમાં પ્રથમ વખતના કુલ મતદારોના 2.39% છે. 2017ની ચૂંટણીમાં 2.7% (કુલ 4.33 કરોડમાંથી 11.8 લાખ) અને 2012માં 3.5% (3.81 કરોડમાંથી 13.3 લાખ)ની સરખામણીમાં તેમની સંખ્યામાં ઘટાડો એ રાજ્યમાં એકંદર મતદારોની સંખ્યાના વધારા સાથે સુસંગત છે.

80 વર્ષથી વધુ વયના 9.8 લાખ મતદારો

40 વર્ષથી ઓછી વયના મતદારોનો સૌથી વધુ હિસ્સો 30-39 વય જૂથનો છે. આ જૂથમાં 1.21 કરોડ મતદારો છે, જે રાજ્યના કુલ મતદારોના એક ચતુર્થાંશ જેટલા છે. વર્ષ 2017માં 30-39 વયજૂથના મતદારોની સંખ્યા 1.12 કરોડ હતી. બીજા નંબરે સૌથી વધુ મતદારો (1.03 કરોડ) 20-29 વય જૂથના છે. 80 વર્ષ અને તેથી વધુ ઉંમરના 9.8 લાખ મતદારો છે, જે 2017માં 6.3 લાખથી વધુ છે.

પ્રથમ વખતના મતદારોની સંખ્યા 3.66% ના બદલે માત્ર 1 ટકો

મુખ્ય ચૂંટણી અધિકારી પી ભારતીએ ઓગસ્ટમાં એક ઈન્ટરવ્યુમાં જણાવ્યું હતું કે તેમનો એક મોટો પડકાર પ્રથમ વખત મતદારોની નોંધણીનો હતો. “18-19 વર્ષની વય જૂથના પ્રથમ વખતના મતદારોની સંખ્યા કુલ મતદારોના 3.66% હોવી જોઈએ. પરંતુ આપણે હાલમાં 1% પર છીએ. વધુમાં તેમણે કહ્યું કે સ્પેશિયલ સમરી રિવિઝન (SSR) હાલમાં હાથ ધરવામાં આવી રહ્યું છે તે 18-19 વય જૂથના મહત્તમ મતદારોની નોંધણી પર ધ્યાન કેન્દ્રિત કરે છે".

18-19 વય જૂથના મતદારો ઘટ્યા

હકીકતમાં, 18-19 વય જૂથ એકમાત્ર એવો સમૂહ છે કે જેમાં છેલ્લા પાંચ વર્ષમાં મતદારોની સંખ્યામાં ઘટાડો જોવા મળ્યો છે. આ ઘટાડો વધુ સ્પષ્ટ છે કારણ કે ચૂંટણી પંચે ઓક્ટોબર 1, 2022 સુધી 18 વર્ષની વયના મતદારોની નોંધણીની મંજૂરી આપી હતી અને તેના માટે સપ્ટેમ્બરમાં વિશેષ ઝુંબેશનું આયોજન કર્યું હતું.

કયા જિલ્લામાં સૌથી વધુ અને ઓછા મતદારો?

ગુજરાતમાં પ્રથમ વખતના કુલ 11.74 લાખ મતદારોમાંથી લગભગ એટલી જ સંખ્યા બે તબક્કામાં 1 ડિસેમ્બર અને 5 ડિસેમ્બરે મતદાન કરશે. પ્રથમ તબક્કામાં 18-19 વયજૂથના સૌથી વધુ મતદારો સુરતજિલ્લોમાં (1.02 લાખ) છે. , જ્યારે સૌથી ઓછા ડાંગ જિલ્લામાં (8,680) છે. ફેઝ-2માં, અમદાવાદ જિલ્લામાં પ્રથમ વખતના મતદારોમાં સૌથી વધુ મતદારો (93,428) છે, જ્યારે સૌથી ઓછા છોટા ઉદેપુરમાં (20,638) છે.

રાજકોટ ગેમઝોન અગ્નિ કાંડ કે જેમાં RMCના પૂર્વ TPO મનસુખ સાગઠીયાને હવે સુપ્રીમ કોર્ટ દ્વારા રાહત આપવામાં આવી છે. રાજકોટ ગેમઝોન અગ્નિકાંડના આરોપી અને પૂર્વ TPO મનસુખ સાગઠીયાના જામીન સુપ્રીમ કોર્ટ તરફથી મંજુર કરવામાં આવ્યા છે. RMCના પૂર્વ TPO મનસુખ સાગઠીયા છેલ્લા સવા વર્ષથી જેલમાં બંધ હતા. તેમણે સુપ્રીમ કોર્ટમાં જામીન અરજી દાખલ કરી હતી જેના પર સુનાવણી કર્યા બાદ સુપ્રીમ કોર્ટે મનસુખ સાગઠીયાના જામીન મંજુર કર્યા છે.

2025-09-02 17:24:51

રાજકોટના અનિરુદ્ધસિંહ જાડેજા કે જેઓ અવારનવાર સમાચારોમાં રહેતા હોય છે , તેમને હવે પૂર્વ MLA પોપટલાલ સોરઠિયાના કેસમાં સુપ્રીમ કોર્ટ તરફથી ઝટકો મળ્યો છે. અનિરુદ્ધસિંહ જાડેજાએ ગુજરાત હાઇકોર્ટનો જે સજામાંફીને લઇને જે ચુકાદો હતો તેને સુપ્રીમ કોર્ટમાં પડકાર્યો હતો પરંતુ , હવે રીબડાના અનિરુદ્ધસિંહ જાડેજાને સુપ્રીમ કોર્ટમાંથી પણ રાહત નથી મળી . સુપ્રીમ કોર્ટ તરફથી અનિરુદ્ધસિંહ જાડેજાને સરેન્ડર થવા માટે આદેશ આપવામાં આવ્યો છે.

2025-09-01 19:22:04

આમ આદમી પાર્ટીમાં ભંગાણના એંધાણ છે , હવે અમદાવાદમાંથી ચેતન રાવલે આપમાંથી રાજીનામુ આપી દીધું છે . ચેતન રાવલ આમ આદમી પાર્ટીમાં નેશનલ જોઈન્ટ સેક્રેટરી હતા . ચેતન રાવલ કોંગ્રેસ છોડી આમ આદમી પાર્ટીમાં જોડાયા હતા . આ રાજીનામાનો પત્ર ચેતન રાવલે આમ આદમી પાર્ટીના પ્રદેશપ્રમુખ ઈસુદાન ગઢવીને સંબોધીને લખ્યો છે. ચેતન રાવલે રાજીનામુ આપવા પાછળ અંગત કારણ આગળ ધર્યું છે.

2025-08-29 16:00:34

દેદિયાપાડાના MLA ચૈતર વસાવાની જામીન અરજી પર આજે ગુજરાત હાઇકોર્ટમાં સુનાવણી થવાની હતી. જેમાં હવે સમાચાર આવ્યા છે કે , ચૈતર વસાવાની જામીન અરજી પર આજે સુનાવણી નઈ થાય. ગુજરાત હાઇકોર્ટના વકીલોની હડતાળને કારણે સુનાવણી નહિ થાય. આજે ગુજરાત હાઇકોર્ટમાં ધારાસભ્ય ચૈતર વસાવાની જામીન અરજી પર સુનાવણી હાથ ધરાવવાની હતી . પરંતુ હવે વકીલોની હડતાળના કારણે આ સુનાવણી ટળી ગઈ છે . આમ હવે MLA ચૈતર વસાવાનો જેલવાસ લંબાયો છે .

2025-08-28 15:30:36

Jamawat Media ગુજરાતનું પહેલું ડિજીટલ માધ્યમ જે તમારી ભાષામાં તમને જરૂરી સમાચાર આપે છે, માત્ર સમાચાર નહીં પણ ગુજરાતને જરૂરી વિચાર અને અભિપ્રાયો પણ હોય છે, ક્યારેક સત્તા સુઈ જાય તો એને ઢંઢોળે છે, ક્યારેક વિપક્ષની આળસને પડકારે છે, તમારા પ્રશ્નો ના સંભળાય ત્યાં પોતે વિપક્ષ બની જાય છે, અને જનતા રાજનીતિક ચશ્મા પહેરીને દંભી બનતી જાય તો તમારી અંદરના નાગરીકને પણ ઢંઢોળે છે, જમાવટ તમને મોજ આપશે, સંતોષ આપશે, મજા કરાવશે પણ તમારી અંદર દેશ માટેના કર્તવ્ય અને નાગરીકના અધિકારોની ચેતના જીવંત રાખશે

© 2023 Jamawat.

Website Design & Developed By Seawind Solution Pvt. Ltd - web design Ahmedabad | web development Ahmedab